Տավուշի մարզկենտրոն Իջեւանի փոքր կենտրոնում,ընդամենը 1-2 քառակուսի կիլոմետր հատվածում գործում են 12 սրճարաններ: Մարզկենտրոնում շարունակվում է նոր սրճարանների կառուցումը: Քաղաքում գործում են 4 բուքմեյքերական գրասենյակներ՝ «Վիվառոն», «Եվրոֆուտբոլը» ,«Տոտոն» եւ «Գուդվինը»: «Գուդվինը» խաղադրույքներ է ընդունում տարբեր երկրներում շների եւ ձիերի մրցավազքի համար:
Լինելով Իջեւանի բուքմեյքերական գրասենյակներում եւ ինտերնետային ակումբներում՝ կարելի է համոզվել,որ խաղադրույքներ կատարելը շատ իջեւանցիների համար հանապազօրյա «ցավ» է դարձել: Այս «ցավը սրվել է» ֆուտբոլի աշխարհի առաջնության օրերին: Նախկինում Իջեւանն ուներ արդյունաբերական քաղաքի համբավ, Իջեւանի գործագործական կոմբինատում, մեխանիկական գործարանում, Ազատամուտում գործող Իջեւանի բենտոնիտի կոմբինատում աշխատում էին Իջեւան քաղաքի հարյուրավոր բնակիչներ: Այլեւս անցյալ է Իջեւանի արդյունաբերական համբավը, այժմ Իջեւանը սրճարանների, տարբեր բանկերի մասնաճյուղերի եւ բուքմեյքերական գրասենյակների քաղաք է:
Ոսկան ՍԱՐԳՍՅԱՆ
