ԱԻՄ առաջնորդը հորդորում է պահպանել անդորրագրերը եւ
վճարում կատարելուց նշել կոդը
«Անպայման պահեք ձեր անդորրագրերը»,- այսօր` հուլիսի 8-ին, «Տեսակետ» մամլո ակումբում լրագրողների հետ հանդիպման ընթացքում քաղաքացիներին զգուշացրեց ԱԻՄ առաջնորդ Պարույր Հայրիկյանը:
Նա նկատեց, որ աշխարհի բոլոր երկրներում անդորրագրին անվանում են ստացական: Իսկ հայերենում անդորրագիր անվանումը պարոն Հայրիկյանը բացատրեց նրանով, որ այդ բառը նշանակում է անդորրն ապահովող գրություն, եւ նրա շնորհիվ քաղաքացին կարող է զերծ մնալ ավելորդ քաշքշուկից: Նա նաեւ զգուշացրեց քաղաքացիներին` վճարումներ կատարելիս հետեւեն, որ դրամատան աշխատողը նշի այն կոդը, որի համար վճարում է կատարվում: Նման մի դեպք կատարվել է նաեւ ԱԻՄ առաջնորդի հետ`երթեւեկության հետ կապված 30.000 դրամի տուգանք ուներ, որն անմիջապես վճարել էր, սակայն շուտով ստացել է եւս 150.000 դրամի պահանջ.
«Ոչ թե դրամատան կամ պետավտոտեսչության խարդավանքն էր, ինչպես նախնական փուլում մտածում էի, այլ պարզապես ես դրամատանը ուշադիր չէի եղել` գումարը գանձելիս չէի նշել այն կոդը, որով ես տուգանված եմ: Սա է իմ հորդորը քաղաքացիներին`համոզված եղե’ք` Պետավտոտեսչության մակարդակով ամեն ինչ արվում է հօգուտ քաղաքացիների, եւ ես երեկ նույնիսկ ինչ-որ չափով մխիթարված զգացի, որովհետեւ նախնական փուլում մտածում էի, որ Հայաստանը մեզ պետք է առանց հայերի, դավադրության շրջանակներում փորձում են մարդկանց կոտրել, հիասթափեցնել»:
Կարդացեք նաև
Ամի ՉԻՉԱԿՅԱՆ
