Երեկ Երեւանում ԵվրԱզԷՍ-ի ինստիտուտի տնօրեն Վլադիմիր Լեպյոխինի ասուլիսի ժամանակ սկանդալ է տեղի ունեցել՝ հայ լրագրողները բողոքել են, որ ասուլիսը ռուսերեն է եւ հայերեն թարգմանություն ապահովված չէ, իսկ «Կենտրոն» հեռուստաընկերության լրագրողն ի նշան բողոքի լքել է ասուլիսը։
«ՉԻ» – Ըստ էության՝ այստեղ արտառոց ոչինչ չկա։ Հայաստանի պետական լեզուն հայերենն է, եւ ասուլիսի կազմակերպիչներն են տխմարություն արել, որ հայերեն թարգմանություն չեն ապահովել։
Արտառոցն այն է, որ միջադեպից հետո ասուլիսն այնուամենայնիվ շարունակվել է, եւ հայ լրագրողները, գլուխները կախ, մասնակցել են «միջոցառմանը»։ Ըստ երեւույթին որեւէ մեկը նրանց չի բացատրել, որ տարրական մարդկային արժանապատվությունն անհրաժեշտ է ցանկացած մասնագիտության տեր անձանց։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
Այ որ բոլորը «Կենտրոն» հեռուստաընկերության լրագրողի պես հեռանային, լրիվ ուրիշ կլիներ: Ու ինչ կար էդքան հետաքրքիր այդ ասուլիս տվողի ասածներում, որ մնացածները մնացին: Հրապարակեք «Կենտրոն» հեռուստաընկերության այդ լրագրողի անունը՝ նա քաղաքացիական ու ազգային ճիշտ կեցվածք է դրսեւորել: Կեցցե:
Նաիրա Պողոսյան: Անունը կավելացնենք մեր նյութի մեջ