Ֆրանսիացի եւ հայ հեծանվորդների մասնակցությամբ Հայաստանում այսօր մեկնարկած բազմօրյա հեծանվավազքի առիթով Ֆրանսիայի դեսպանատանը կազմակերպված ընդունելության ժամանակ Aravot.am-ը Հայաստանում Ֆրանսիայի դեսպան Անրի Ռենոյից հետաքրքրվեց, թե նա ինչպե՞ս է տարել ֆուտբոլի աշխարհի առաջնության քառորդ եզրափակչում իր երկրի հավաքականի` Գերմանիայից 0:1 հաշվով կրած պարտությունը:
«Երեւի թե` նորմալ: Որովհետեւ Ֆրանսիայի ազգային հավաքականը աշխարհի առաջնությունում առաջ գնաց այնքան, որքան այդ պահին կարող էր: Մեր ազգային ընտրանին կարող է հպարտ լինել այն ամենով, ինչ արեց: Ես հույս եմ տածում, որ երկու տարի հետո արդեն Ֆրանսիայում կայանալիք Եվրոպայի առաջնությունում Ֆրանսիայի հավաքականը կկրկնի 2000 թվականին գրանցած հաջողությունը», – պատասխանեց դեսպանը:
Աշոտ ՀԱԿՈԲՅԱՆ
