«Այս իշխանությունները որքան էլ չընտրված են, չեն վախենում «Ժառանգությունից»: Վախենում են ժողովրդից»,- այսօր «Պոստ Սկրիպտում» ակումբում ասաց «Ժառանգություն» կուսակցության նախագահ Րաֆֆի Հովհաննիսյանը:
ԲՀԿ-ի եւ ՀԱԿ-ի նախագահների հետ հանդիպման մասին խոսելիս՝ Րաֆֆի Հովհաննիսյանն ասաց, որ իշխանափոխության ներուժը կա, թեեւ տարբեր կուսակցություններն ունեն իրենց առանձին ժամանակացույցը դրա համար. «Այս ամիսների ընթացքում եղել են տարբեր հանդիպումներ թե՛ փոքր խմբերով, թե՛ առանձին-առանձին կուսակցական ղեկավարների հետ: Պարոն Տեր-Պետրոսյանի եւ պարոն Ծառուկյանի համար կարող եմ ասել, որ ակնհայտ է, որ գործիչներն անկեղծ են: Դժվարանում են ժամկետների շուրջ պայմանավորվել, բայց, ընդհանուր առմամբ, միասնական գործելու հանձնառությունը կա: Իրենք օգոստոս են դրել, ինձ մնար՝ օգոստոսին ես չէի դնի: Բայց ոչինչ: Աշնանը պարզ կլինի: Թե մշակութային ժառանգության հարցով, թե հոսանքի սակագների հարցով, թե՛ կուտակային հարցով չպետք է ընկնենք հարցերի հետեւից, այլ կանխի այդ երեւույթը: Հուսով եմ, մենք այդ հեռանկարն ունենք»:
Հռիփսիմե ՋԵԲԵՋՅԱՆ
