Սահմանադրական դատարանի նախագահ Գագիկ Հարությունյանը հայտարարել է, թե իշխանության վերին էշելոններում ավելի զգաստ են, բայց «միջին օղակներում բորենիների համաստեղություն է ձեւավորվում»։
Գագիկ Հարությունյանը, հասկանալի է, դրա հետ կապ չունի։ «Բորենիների համաստեղությունը» կեղծում է ընտրությունները, ահաբեկում է մարդկանց, մարդիկ դուրս են գալիս բողոքի, քաղաքական ուժերը դիմում են Սահմանադրական դատարան, իսկ ինքը դուրս է գալիս ու երջանիկ ժպիտով ազդարարում՝ ամեն ինչ նորմալ է, էական խախտումներ չեն եղել, գնացեք տուն։ Բա իհարկե, բորենիներ են, մեկ էլ տեսար՝ կծեցին։
Կարեւորը՝ որ ինքը, որպես «վերին էշելոնի» ներկայացուցիչ, զգաստ լինի։ Ավելի ճիշտ՝ շարքային զինվորի պես զգաստ կանգնած։ Նույնիսկ երբ նախագահականից են զանգում՝ հերթական վճռի տեքստը թելադրելու։ Ի դեպ՝ զանգողները, որպես կանոն, միջին օղակներից են լինում։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
