Հայ հեթանոսները կրոնական արարողություն են իրականացրել Նեմրութ լեռան վրա: 34 հոգանոց խումբը Թուրքիայի Կահտա քաղաքից բարձրացել է լեռան գագաթը (2606 մ), որտեղ քրմի առաջնորդությամբ ծեսը սկսվել է՝ հատուկ տարայի մեջ դանակներ տաքացնելով: Գրում է «Դեյլի Սաբահ»-ը:
Ծեսը տևել է մեկուկես ժամ, ինչից հետո մասնակիցները ճաշակել են հայկական ավանդական խոհանոցի ուտեստներ:
Մասնակիցներից Գագիկ Հայրապետյանն ասել է, որ Նեմրութ լեռը և Վան նահանգը սրբազան վայրեր են հայ հեթանոսների համար. «Մեզ համար Նեմրութ լեռը խաղաղության խորհրդանիշն է: Մենք ամեն տարի կշարունակենք մեր կրոնական ծեսերն անել այս աստվածային վայրում», – ասել է նա:
Խումբը բաղկացած է եղել տարբեր մասնագիտությունների տեր մարդկանցով, այդ թվում՝ գործարարներ, գրողներ, զինվորականներ, երաժիշտներ և բժիշկներ:
Կարդացեք նաև
Պատրաստեց Հովհաննես ԻՇԽԱՆՅԱՆԸ
