Հայ միգրանտները ՌԴ-ում կարող են առանց լրացուցիչ խնդիրների աշխատել ՀՀ-ի եւ ՌԴ-ի կառավարությունների միջեւ նախատեսվող համաձայնագրով, 2 երկրների քաղաքացիները կարող են հաշվառման կանգնել 30 օրվա ընթացքում: Այսօր կառավարությունում այս մասին ասաց ՀՀ Միգրացիոն ծառայության պետ Գագիկ Եգանյանը:
Նրա խոսքերով, ներկայումս մեր քաղաքացիները ՌԴ մուտք գործելիս պետք է 7 օրվա ընթացքում հաշվառվեին, եւ եթե այդ ժամանակահատվածը խախտեն ապա` խնդիրներ կունենան` ընդհուպ մինչեւ երեք տարի ժամկետով մուտքի հնարավորությունից զրկվելով: Նախատեսվող համաձայնագրով այս ժամանակահատվածը երկարաձգվում է: Առավելությունն այն է, որ երկու երկրների քաղաքացիները միմյանց տարածքում կարող են աշխատել առանց լրացուցիչ թույլտվություն ստանալու:
Պարոն Եգանյանի մեկնաբանություններն առավել մանրամասն` տեսանյութում
Լուսինե ԲՈՒԴԱՂՅԱՆ
