Այսօր վաղ առավոտյան Թբիլիսիի օդանավակայանում ձերբակալվել է Վրաստանի մայրաքաղաքի նախկին քաղաքապետ, նախկին իշխող «Միացյալ ազգային շարժում» կուսակցության անդամ Գիգի Ուգուլավան:
Երկրի նախկին նախագահ Միխեիլ Սաակաշվիլիի մերձավոր Ուգուլավան «հանցավոր խմբի այլ անդամների» հետ մեղադրվում է «սև փողերի» ապօրինի արտահանման մեջ:
Ըստ վրացական լրատվամիջոցների՝ Ուգուլավան թռչում էր Կիև, այնտեղից էլ պետք է մեկներ Քիշնև, որտեղ նախատեսում էր մասնակցել Եվրախորհրդի տեղական և տարածաշրջանային իշխանությունների կոնգրեսի մոնիթորինգի գծով կոմիտեի նիստին:
«Օպերատիվ տվյալների համաձայն՝ Ուգուլավան պատրաստվում էր թաքնվել», – հայտարարել է Վրաստանի ֆինանսների նախարարության քննչական ծառայության հասարակայնության հետ կապերի պատասխանատու Գեորգի Գրձելաշվիլին:
Լուսինե Մուսայելյան
Նյութի մանրամասները կարդացեք «Ազատություն» ռադիոկայանի կայքում
