ԱՄՆ պետդեպարտամենտը Հայաստանի և Ադրբեջանի նախագահներին կոչ է արել դադարեցնել ռազմատենչ հռետորաբանությունը և որքան հնարավոր է շուտ ընդունել Ֆրանսիայի նախագահ Ֆրանսուա Օլանդի Փարիզում հանդիպելու առաջարկությունը, հայտնում է «Կոնտակտ»-ը՝ հղում անելով «Թուրքան»-ին:
«Մենք երկու կողմերին կոչ ենք անում կրկնապատկել բանակցային ջանքերը և կենտրոնանալ այն օգուտների վրա, որոնք խաղաղություն կբերեն տարածաշրջանում»,- հուլիսի 2-ին Վաշինգթոնում ճեպազրույցի ժամանակ հայտնել է Պետդեպարտամենտի մամուլի խոսնակ Ջեն Փսակին՝ նշելով, որ ռազմատենչ հռետորաբանությունն ակնհայտորեն հակասում է լարվածությունը նվազեցնելու սկզբունքին: «Եվ մենք խորապես համոզված ենք, որ դա վնասում է հակամարտությունը կարգավորելու խաղաղ գործընթացին»,-ասել է նա:
Օրերս նման կոչով էր հանդես եկել նաև ԱՄՆ պետքարտուղարի տեղակալ, ԵԱՀԿ-ում ԱՄՆ ներկայացուցիչ Բրենտ Հարթլին:
Պատրաստեց Հովհաննես ԻՇԽԱՆՅԱՆԸ
Կարդացեք նաև
