Հունիսի 19-ին ոստիկանության Տաշիրի բաժնում հաղորդում էր ստացվել, որ 1977 թ. ծնված Լիլյա Է.-ի բնակարանից ոսկեղեն և գումար են գողացել:
Ոստիկանները պարզել էին, որ օգտվելով տանտիրուհու բացակայությունից` խոհանոցի պատուհանը կոտրելով և մուտք գործելով բնակարան, գողացել են 20 դոլար, ոսկյա և արծաթյա զարդեր` պատճառելով մոտ 900.000 դրամի նյութական վնաս:
Փաստի առթիվ ՀՀ քրեական օրենսգրքի 177 հոդվածի 3-րդ մասի 1-ին կետով հարուցվել էր քրեական գործ:
Օրերս ոստիկանության Լոռու մարզային վարչության և Տաշիրի բաժնի ծառայողները պարզել են, որ գողությունը կատարել է 1968 թ. ծնված Մանվել Ղ.-ն:
Մանվել Ղ.-ն ձերբակալված է:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է նախաքննություն:
ՀՀ ոստիկանություն
