««Հայկական վերածնունդը» մտածում է նաեւ ազգային արժեքները պահպանելու մասին»,- այսօր` հուլիսի 1-ին, «Նախախորհրդարան» քաղաքացիական շարժման գրասենյակում լրագրողների հետ հանդիպման ընթացքում հայտարարեց «Հայկական վերածնունդ» շարժման Բելգիայի մասնաճյուղի ներկայացուցիչ Գարիկ Խաչատրյանը:
Նա համարում է, որ երիտասարդներից շատերը հեռվանում են ազգային արժեքներից եւ երիտասարդներին մոտեցնելով ազգային արժեքներին` կկարողանան թույլ չտալ, որպեսզի ազգային արժեքները մահանան: Այդպիսով` ըստ նրա` երիտասարդներն Հայաստանում կկարողանան իրենց երկրի տեր զգալ:
Անդրադառնալով իրենց` «Սարդարապատ» միավորման հետ համագործակցությանը` պարոն Խաչատրյանը նշեց, որ ընտրել են հենց այդ միավորումը, քանի որ համարում են` դա միակ քաղաքացիական ուժն է, որն որեւէ մեկի կողմից չի թելադրվում.
«Մենք` որպես կազմակերպություն, նույնպես չենք թելադրվում որեւէ մեկի կողմից. մենք ինքներս ենք կայացնում մեր որոշումները, եւ մեր անելիքները մենք ենք որոշում: Մեր անելիքները որոշելով` մենք նույնիսկ կոտրում ենք մի կարծրատիպ, որ սփյուռքը գործ չունի Հայաստանի ներքաղաքական իրավիճակի հետ, այսինքն` իրավունք չունի Հայաստանում որեւէ գործողության խառնվել: Սակայն, մենք համարում ենք, որ ամեն մի հայ ունի ե’ւ պարտավորություն, ե’ւ իրավունք` խառնվելու Հայաստանին վերաբերող հարցերին` ամեն մեկն իր չափով, ամեն մեկն իր տեղում»:
Գարիկ Խաչատրյանը կոչ արեց արտերկրում գտնվող բոլոր հայերին վերադառնալ Հայաստան եւ օգնել նրան, որպեսզի ուշքի գա:
«Հայկական վերածնունդ» շարժման Լոս Անջելեսի մասնաճյուղի անդամ Սյուզաննա Պետրոսյանը հայտարարեց, որ Հայաստանում խնդիրները չեն լուծվում, քանի որ այն ինքնիշխան չէ եւ նրա ղեկավարները չեն պաշտպանում ժողովրդի շահերը: Նա երկրի իրավիճակը պայմանավորում է այն հանգամանքի հետ, որ ժողովուրդը իշխանություններից չի պահանջել պաշտպանել իրեն եւ իր իրավունքները.
Կարդացեք նաև
«Հայկական վերածնունդ» շարժումը տարբերվում է մյուս կազմակերպություններից նրանով, որ մենք այսօր ֆիզիկապես այստեղ ենք գտնվում եւ չենք գալիս 1 շաբաթով, 1 օրով: Այդպիսով` կոտրում ենք կարծրատիպը, թե սփյուռքահայը չի կարող մասնակցել Հայաստանում կատարվող որոշումներին. Արդեն այդ ժամանակն անցել է»:
Ամի ՉԻՉԱԿՅԱՆ
