Հանրային ծառայությունները կարգավորող հանձնաժողովի նախագահ Ռոբերտ Նազարյանն այսօր ԲՀԿ-ական պատգամավոր Միքայել Մելքումյանի հետ զրույցում ասել է, որ պատրաստ է քննարկել այն ռեզերվները, որոնք ըստ Միքայել Մելքումյանի առկա են`էլեկտրաէներգիայի սակագինը չթանկացնելու համար: Այսօր խորհրդարանում քառյակի`ԲՀԿ, ՀՅԴ, ՀԱԿ եւ Ժառանգություն, հրավիրած համատեղ ասուլիսի ժամանակ հայտարարեց պատգամավորը:
Հիշեցնենք, որ երեկ արդեն հանձնաժողովը միաձայն կողմ քվեարկեց էլեկտրաէներգիայի սակագինը 3,85 դրամով թանկացնելու համար:
Միքայել Մելքումյանը ներկայացրեց այն ռեզերվները, որոնք հնարավորություն կտան խուսափել սակագնի բարձրացումից, դրանք են` վնասները փոխհատուցելը օրենքով պետք է գոնե 30 տոկոսով իր վրա վերցնի պետությունը, մաշվածքն ու շահույթը պետք է վերանայվի, շահույթի նորմայի իջեցում պետք է լինի եւ այլն: «Եթե այսպես շարունակվի ու քայլեր չձեռնարկվեն, ապա ամեն տարի ճեղքվածքը խորանալու է եւ մենք ստիպված ենք լինելու ամեն տարի սակագին բարձրացնել: Պետությունը կարող է այս քայլերը ձեռնարկել մեղմելու համար»,- հավաստիացրեց ԲՀԿ-ական պատգամավորը:
Այլ մանրամասները` տեսանյութում
Կարդացեք նաև
Պատգամավորը նաեւ նկատեց, որ իրենց կողմից պարբերական եւ շատ հիմնավորված փաստարկները, որ կան ռեզերվներ, որպեսզի էլեկտրաէներգիայի սակագինը չթանկանա այս փուլում, որևէ հակափաստարկ այդպես էլ չներկայացվեց որեւէ մարմնի ներկայացուցչի կողմից: Եվ մինչեւ օգոստոսի 1-ը, քառյակն իր մասնագիտական առաջարկները ներկայացնելու է տարբեր լսարաններում:
Նելլի ԳՐԻԳՈՐՅԱՆ
