Ինչ խոսք, գլխակոր դատախազի աշխատանքն արգասաբեր է եւ իշխանությանը գոհացնող։ Թեեւ մարդիկ նրանից բոլորովին այլ արդյունք էին սպասում՝ վերացնել օլիգարխների անպատժելիությունը, բեսպրեդելը, որը նրա օրոք ավելի է խորացել։ Բավական է հիշել Լիսկայի տան մոտ կրակոցների գործը։ Այն ժամանակ Կոստանյանը դեռ զինդատախազ էր։ Նա առաջինը հրապարակ նետեց Սուրեն Խաչատրյանի «անմեղության» վարկածը, հայտարարելով, որ վերջինս իր տան բակում տեղի ունեցած փոխհրաձգության ժամանակ դեպքի վայրում չի եղել։
Այս պահից սկսած, օլիգարխների եւ նրանց մերձավորների վերաբերյալ քրեական գործերի ճակատագիրն ավելի, քան երբեւիցե, կանխատեսելի դարձավ։
Վերնիսաժում մայիսի 17-ին տեղի ունեցած արյունալի դեպքում «պաշտոնական վարկածը» մամուլը գուշակեց հաջորդ իսկ օրը, երբ Յուվեցի Կարոյի փեսան՝ Գոռ Առաքելյանը, ներկայացավ «մեղայականով», իսկ օլիգարխի փեսայի հետ վիճած եւ հրազենային վնասվածք ստացած Ներսես Մելքոնյանիև, ինչպես եւ Լիսկայի տան մոտ հունիսի 2-ին վիրավորված գնդապետ Բուդադյանին, մեղադրանք առաջադրվեց։ Այսպես, հօգուտ իշխանության եւ օլիգարխների է վերացնում անպատժելիության մթնոլորտը Գեւորգ Կոստանյանը։
Սյուզան ՍԻՄՈՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
