Բաքվում ընթացող ԵԱՀԿ 23-րդ Խորհրդարանական վեհաժողովը (ԽՎ) 92 «կողմ», 30 «դեմ» և 27 «ձեռնպահ» ձայների հարաբերակցությամբ ընդունեց ԱՄՆ սենատոր Բենյամին Քարդինի կողմից առաջարկած Ուկրաինայի նկատմամբ «Ռուսաստանի Դաշնության կողմից Հելսինկիի սկզբունքների ակնհայտ, կոշտ եւ չուղղված խախտումների մասին» բանաձեւը:
Բանաձևն արդեն կցված է Բաքվի հռչակագրին, որը քվեարկության կդրվի այսօր` հուլիսի 2-ին, Բաքվում ընթացող ԵԱՀԿ 23-րդ Խորհրդարանական վեհաժողովի եզրափակիչ նիստում: Հռչակագիրը պարունակում է առաջարկություններ ԵԱՀԿ – ի եւ նրա 57 մասնակից պետություններին` քաղաքական հարցերի եւ անվտանգության, տնտեսության, շրջակա միջավայրի եւ մարդու իրավունքների պաշտպանության ոլորտներում:
Բանաձևում կիրառվում է «Ղրիմի բռնակցումը Ռուսաստանին» արտահայտությունը: Այստեղ մասնավորապես նշված է «Ուկրաինայի ինքնիշխանության, քաղաքական անկախության, միասնականության եւ երկրի սահմանադրությամբ ու դրա միջազգայնորեն ճանաչված սահմաններում տարածքային ամբողջականությանը» հստակորեն աջակցելու» մասին: Բանաձևում ամրագրված է նաև, որ «Ղրիմի բռնակցումը Ռուսաստանին» ԵԱՀԿ անդամները չեն ընդունի:
Ինչպես տեղեկանում ենք ԵԱՀԿ պաշտոնական կայքից բանաձևն ընդունվել է շուրջ երեք ժամ տևող թեժ քննարկումներից հետո: Քննարկումների ժամանակ առաջարկվել է կազմակերպել նաև ռուս-ուկրաինական երկկողմ երկխոսություն` ի նպաստ ուկրաինական խնդրի կարգավորման:
Կարդացեք նաև
Տաթև ՀԱՐՈՒԹՅՈՒՆՅԱՆ
