Ուկրաինայի նախագահ Պյոտր Պորոշենկոն ազգային անվտանգության և պաշտպանության խորհրդի նիստի արդյունքում որոշում է կայացրել դադարեցնել Ուկրաինայի արևելքում հրադադարի ռեժիմը, հայտնում է ուկրաինական «Ինտերֆաքս»-ը:
«Այսպիսով, հրադադարի ռեժիմը, որը նախագահը հայտարարել էր հունիսի 20-ին ու երկարաձգվել է մինչև հունիսի 30-ը, ժամը 22:00-ն (Երևան՝ 23:00), համարվում է ավարտված գործողություն», – հայտնել են նախագահի մամուլի ծառայությունից:
Պորոշենկոն իր ուղերձում նշել է, որ «խաղաղության ծրագրի բացառիկ հնարավորությունը չիրագործվեց»: Միակողմանիորեն հրադադարի ռեժիմ մտցնելով՝ Պորոշենկոն անջատականներին հնարավորություն էր տվել զինաթափվել կամ լքել երկիրը:
«Մենք կհարձակվենք և կազատագրենք մեր հողերը», – ասել է նա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
