«Հայ ժողովրդի իշխանությունն իրեն պետք է պահի, որպես հայ ժողովրդի իշխանություն, ոչ թե, որպես Պուտինի դրածո»,- այսօր «Փաստարկ» մամուլի ակումբում հայտարարեց ԱԻՄ առաջնորդ Պարույր Հայրիկյանն ՝անդրադառնալով ընթացող աշխարհաքաղաքական զարգացումներին եւ ՀՀ իշխանությունների որդեգրած քաղաքական կուրսին՝ դեպի Մաքսային միություն: «Հայաստանն այսօր ձգտում է դառնալ ռուս-թուրքական նոր դաշինքի ճորտը»,-եզրակացրեց Պարույր Հայրիկյանը՝ հավելելով, որ Հայաստանը սխալ ռազմավարական ուղղություն ընտրեց:
Մանրամասները ՝ տեսանյութում
Կարդացեք նաև
Հայ-թուրքական հնարավոր հաշտեցման տեսանկյունից դիտարկելով Թուրքիայի արտաքին գերատեսչության ղեկավար Ահմեդ Դավութօղլուի վերջին հոդվածը, որում նա դրական նրբերանգներով էր խոսել իր երկրի կողմից իրականացված հայերի Ցեղասպանության մասին՝ մի կողմ թողնելով նախկին մերժողականությունը, Պարույր Հայրիկյանը կարծիք հայտնեց, որ ՀՀ ԱԳՆ-ն պետք է ողջուներ Դավութօղլուի նման կեցվածքը:
Միաժամանակ, Հայրիկյանի համոզմամբ, ՀՀ արտաքին քաղաքական գերատեսչության ներկայացուցիչները պետք է նկատառում հայտնեին, որ Դավութօղլուն մի երկրի պաշտոնյա է, ով 21-րդ դարում, արհամարհելով միջազգային նորմերն ու սկզբունքները, շարունակում է բռնություն իրականացնել Հայաստանի նկատմամբ: Հայրիկյանը նկատի ունի փակ սահմանները, հայ-թուրքական կարգավորման հարցում ԼՂՀ հարցը որպես նախապայման օգտագործելը եւ այլն:
Նելլի ԳՐԻԳՈՐՅԱՆ
