Եվրասիական տնտեսական հանձնաժողովի խորհրդի նիստի ժամանակ Ռուսաստանը Ղազախստանին և Բելառուսին առաջարկել է ընդհանուր բանաձև ընդունել, որով պետք է սահմանափակվեր ուկրաինական ապրանքի ներմուծումը, սակայն առաջարկը մերժվել է, հայտնում է «ТСН» հեռուստակայանը:
Նման սահմանափակումներ մտցնելու համար հիմք է հանդիսացել Ուկրաինայի և Եվրամիության միջև Ասոցացման պայմանագրի տնտեսական մասի ստորագրումը:
Բելառուսի փոխվարչապետ Սերգեյ Ռումասը հայտնել է, որ իր երկիրը կտրուկ դեմ է բանաձևին, քանի որ Ուկրաինայի Ասոցացման պայմանագրի ստորագրումից հետո դեռ վաղ է գնահատել, թե ինչ վնասներ այն կարող է հասցնել Մաքսային միությանը, ուրեմն, ըստ նրա, այդպիսի որոշումներ կայացնելու կարիք չկա:
Ռուսաստանի կառավարության ներկայացուցչի կարծիքով, Ղազախստանը չի աջակցել Ռուսաստանին, որովհետև Առևտրի համաշխարհային կազմակերպությանն անդամակցելու գործընթացի մեջ է ու եթե Ուկրաինայի դեմ որևէ որոշում կայացնի, Կիևը կարող է արգելափակել Ղազախստանի անդամակցությունը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
