ՀՀ Հանրային ծառայությունները կարգավորող հանձնաժողովը հուլիսի 1-ին քննելու է էլեկտրաէներգիայի սակագնի թանկացման հարցը: Նախատեսվում է Էլեկտրաէներգիայի սակագինը ներկայիս 38 դրամի փոխարեն դարձնել 41 դրամ:
Հանձնաժողովը հավաստիացնում է, որ թանկացումը հիմնավորված է:
Հասարակությունը, սակայն, այլ կարծիքի է:
Վանաձորցի թոշակառու Թամարա Գեւորգյանը մեզ հետ զրույցում նշում է, որ Էլեկտրաէներգիայի թանկացումը բացասաբար կազդի ժողովրդի ապրելակերպի վրա:
«Հոսանքի թանկացումը կնպաստի այլ ապրանքների թանկացմանը. կթանկանան հացը, ջուրը, տրանսպորտը, առաջին անհրաժեշտության ապրանքները»,-ասում է նա:
Իսկ մեկ այլ վանաձորցի Սիլվան էլ հավելում է, որ էլեկտրաէներգիայի թանկացումը վատ կանդրադառնա առանց այդ էլ խեղճ ապրող ժողովրդի վրա:
«Ամեն ինչն էլ թանկանալու է` կրկնակի, եռակի, մարդ հիմա չի կարում գազի, լույսի փող մուծի, ինչ մնաց էդ ժամանակ: Չեն կարում, որովհետեւ աշխատանք չկա, թոշակը լրիվ տալիս ես պետությանը ու լրիվ ցամաքած նստում, հացի խնդիր է»,-իր վրդովմունքն է հայտնում տիկին Սիլվան:
Մհեր ԹԱԴԵՎՈՍՅԱՆ
