Անցկացվեց Արցախյան ազատամարտի հրամանատար, «Մարտական խաչի 1-ին աստիճանի շքանշանի» ասպետ, «Սասունցի Դավիթ» եւ «Սասնա Ծռեր» ջոկատների հրամանատար, հեծանվորդ, ԽՍՀՄ սպորտի վարպետ, Խորհրդային Միության եւ միջազգային մրցաշարերի բազմակի հաղթող ու մրցանակակիր Սամվել Գեւորգյանի անվան ավանդական՝ 14-րդ հուշամրցաշարը:
Սամվել Գեւորգյանը անհավասար մարտում զոհվել է 1992 թվականի հունիսի 2-ին: Նա զոհվել է, որ իր զինվորն ապրի:
Շուրջ 50 սիրող հեծանվորդներ եւ 48 պրոֆեսիոնալներ էին հայտավորվել 40 կմ խճուղային վազքի պատանեկան, երիտասարդական, մեծահասակների մրցավազքին մասնակցելու եւ հերոս հրամանատարի հիշատակին հարգանքի տուրք մատուցելու:
Կարդացեք նաև
Բոլոր հաղթողներն ու մրցանակակիրները պարգեւատրվեցին հրամանատարի որդու՝ ԱԺ պատգամավոր, Հայաստանի բռնցքամարտի ֆեդերացիայի նախագահ Արթուր Գեւորգյանի, Դավթաշեն վարչական համայնքի եւ Հայաստանի հեծանվայի սպորտի ֆեդերացիայի սահմանած դիպլոմներով, նվերներով: Մեծահասակների պայքարում լավագույն եռյակը կազմած մասնակիցները հատուկ դիպլոմի արժանացան նաեւ «Երկրապահ կամավորական միության» կողմից:
Մարզական լինելուց բացի, մրցաշարը նպատակ ուներ նաեւ մասսայական սպորտը, առողջ ապրելակերպը խթանել եւ տարածել ազգաբնակչության, հատկապես երիտասարդների շրջանում:
Աշոտ ՀԱԿՈԲՅԱՆ
