Ֆուտբոլի Հայաստանի ազգային հավաքականի եւ Մոսկվայի «Սպարտակի» հարձակվող Յուրա Մովսիսյանը վնասվածք ունի, որը պետք է բուժվի:
Սակայն ռուսական լրատվամիջոցների տարածած տեղեկությունները միմյանց չեն համընկնում:
Լրատվամիջոցներից մեկը, վկայակոչելով «Սպարտակի» բժշկական դեպարտամենտի ղեկավար Միխայիլ Վարդապետովին, գրում է, թե Մովսիսյանը երկուշաբթի օրը Հռոմի կլինիկաներից մեկում աջ ոտքի դիագնոստիկ աթրոսկոպիա պիտի անցնի, որի ժամանակ էլ կճշգրտվեն վերջնական դիագնոզը եւ վերականգնման ժամկետները:
Մեկ այլ լրատվամիջոցի տեղեկություններով, հաստատվել է Յուրայի կոնքի վնասվածքի ամենավատ տարբերակը եւ հիմա ֆուտբոլիստին պետք է վիրահատեն: Եվ եթե դա այդպես է, Յուրան խաղադաշտ կարող է վերադառնալ միայն 2014/2015 թթ. մրցաշրջանի առաջին կեսին: Իսկ մինչ այդ, Մովսիսյանը «Սպարտակի» բուժկենտրոնում միացել է Հայաստանի հավաքականի մեկ այլ ֆուտբոլիստի, կիսապաշտպան Արաս Օզբիլիսին, որը բուժում է ծնկահոդի վնասվածքը:
Կարդացեք նաև
Աշոտ ՀԱԿՈԲՅԱՆ
Լուսանկարը՝ youtube. Com-ի
