ՀՀ ԱՆ ակադեմիկոս Ս. Ավդալբեկյանի անվան առողջապահության ազգային ինստիտուտում այսօր տեղի ունեցավ Հիվանդությունների դասակարգչի (ՀԴ-10) սեմինար-խորհրդակցությունը: Առողջապահության քաղաքականության մշակման, համակարգում մշտադիտարկման իրականացման և գնահատման գործում չափազանց կարևոր է առողջապահության վիճակագրության հավաքագրվող տեղեկատվության որակի բարելավումը։ Այդ նպատակով նախատեսում է կազմակերպել Հիվանդությունների դասակարգչի (ՀԴ-10) կիրառումը Հայաստանում: Սեմինարի հիմնական նպատակն էր Երևանի և մարզերի բուժհաստատությունների մասնագետներին, բժիշկ-վիճակագիրներին ներկայացնել Հիվանդությունների դասակարգչի կառուցվածքը և կիրառման սկզբունքները, որոնք կնպաստեն մահացության և հիվանդացության տվյալների համակարգված գրանցմանը, հետագա վերլուծությանը` մեկնաբանության ու համեմատության համար: Քննարկման նպատակն էր նաև բարձրացնել առողջապահական համակարգում աշխատող բժիշկների և վիճակագիրների գիտելիքներն ու հմտությունները, ինչն էլ իր հերթին կնպաստի հավաքագրվող տեղեկատվության հուսալիությանը եւ որակի բարձրացմանը:
ՀՀ առողջապահության նախարարություն
