ԿԱՐԵՆ ԲՈԹՈՅԱՆ (ԱԺ անկախ պատգամավոր)
Դեռ չէինք սկսել Բոթոյանի հետ բլիցը, երբ ԱԺ փոխխոսնակ Էդուարդ Շարմազանովը մոտեցավ ու թե. «Բոթոյան, ոչ մի հարցի էլ մի պատասխանի, ասա՝ Շարմազանովը թույլ չի տալիս»։ Այսուհետ Շարմազանո՞վն է Բոթոյանին «ասողը», հարցրինք փոխխոսնակին։ «Չէ, ինքն այսուհետ անկախ պատգամավոր է, դրա համար եմ ասում, համ էլ ես կատակ էի անում»,- ասաց փոխխոսնակը։ «Բոլոր կատակների մեջ «доля правды» կա, պարոն Շարմազանով»։ «Դե հիմա»։
– Պարոն Բոթոյան, ի՞նչ եք կարծում՝ ինչպե՞ս է դասավորվելու Ձեր ապագա կարիերան ԱԺ-ում՝ ՕեԿ-ից հետո։
– Պատգամավորական գործունեություն եմ ծավալելու։
Կարդացեք նաև
– Բա մինչև հիմա ի՞նչ էիք «ծավալում»։
– Էլի պատգամավոր էի։
– Ինչպե՛ս եք Ձեզ զգում այդ «ծավալումների» ընթացքում։
– Շատ լավ եմ զգում։ Դե, մինչև հիմա ՕԵԿ ֆրակցիայի կազմում եմ եղել, հիմա դուրս եմ եկել, անկախ պատգամավոր եմ։
– Կարեն, ի՞նչն է Ձեզ համար ամենասրտամոտն էս կյանքում։
– Ինչը կապված է մեր ազգի հետ, սաղ էլ սրտամոտ է։
– Կոնկրե՛տ։
– Առանց կոնկրետանալու, առանց առանձնացնելու՝ բոլորը:
Ճեպազրուցեց Կարմեն ԴԱՎԹՅԱՆԸ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
