«Ակնհայտորեն, Աշոտ Սուքիասյանը պետք է պատասխան տա: Չեմ ուզում խախտել նախկին վարչապետի անմեղության կանխավարկածը, այդուհանդերձ, իմ համար բացարձակ անհամոզիչ է եղել օֆշորային սկանդալի հետ կապ չունենալու նրա փաստարկները: Ճիշտ հակառակը՝ կասկածներն են ավելի համոզիչ եղել»,- Aravot.am-ի հետ զրույցում այսպես պատասխանեց «Ժառանգություն» կուսակցության գլխավոր քարտուղար Ստյոպա Սաֆարյանը մեր հարցին, թե Աշոտ Սուքիասյանին ձերբակալելուց հետո ինչպե՞ս պետք է վարվեն այն մարդկանց հետ, որոնց անունները նույնպես շոշափվում են այդ գործի շրջանակներում: Մասնավորապես, խոսքը նախկին վարչապետ Տիգրան Սարգսյանի մասին է:
Հիշեցնենք, որ օֆշորային սկանդալի առանցքային դեմքերից մեկը՝ Աշոտ Սուքիասյանը օրերս Վրաստանից Հայաստան էր արտահանձնվել եւ կալանավորվել:
Ըստ Ստյոպա Սաֆարյանի, «Որքան էլ Սահմանադրությունն այլ բան է ասում, որ մարդու գործը չի իր անմեղությունն ապացուցելը, բայց թեկուզ իր անվան մաքուր լինելու առումով վարչապետը պարտավոր էր հասարակությանը չափազանց համոզիչ ապացուցեր իր անմեղությունը: Տիգրան Սարգսյանը պետք է մաքրի իրեն, ապացուցի իր անմեղությունը, այլապես, մինչեւ հիմա շրջանառության մեջ գտնվող բոլոր փաստերը խոսում են նրա առնչության մասին: Հետեւաբար, պատասխանատվությունը պետք է ենթադրելի լինի»:
Կարդացեք նաև
Հռիփսիմե ՋԵԲԵՋՅԱՆ
