Վարորդները գերադասում են մեքենաները լիցքավորել Սեւանում Տավուշի մարզի վարորդները դժգոհում են, որ Տավուշի մարզի ավտոգազալցավորման ճնշման կայաններում մեկ խորանարդ մետր գազը վաճառվում է 200 դրամով, իսկ Սեւան քաղաքի գազալցավորման կայաններում՝ 160 դրամով: Նշենք, որ Ռուսաստանից Հայաստանը սնուցող մայր գազատարը,որից գազ են ստանում գազալցավորման կայանները, ձգվում է Տավուշի մարզի տարածքով:
Տավուշցի վարորդները հայտնում են, որ Սեւանի ավազանում իրենց ավտոմեքենաները լիցքավորելու դեպքում իրենք ավելի երկար ճանապարհ են անցնում, քան Տավուշի մարզում նույն քանակի գազով ավտոմեքենան լիցքավորելու դեպքում: Գուցե դա պայմանավորված է Սեւանի սառը կլիմայո՞վ, երբ լիցքավորման ընթացքում գազը հասցնում է «նստել»: Տավուշի մարզի տաքսի ծառայությունների վարորդները,ովքեր աշխատում են մարզից Երեւան եւ հակառակ երթուղիներով, սովորաբար իրենց ավտոմեքենաների գազալցավորումը կատարում են Սեւանի լցակայաններում: Ինչո՞ւ է Տավուշի մարզի ավտոգազալցավորման կայաններում գազն ավելի թանկ վաճառվում: Ադրբեջանին սահմանամերձ Տավուշի մարզի բնակիչներն այլ մարզերում ապրողների համեմատ ավելի վճարունա՞կ են:
Ոսկան ՍԱՐԳՍՅԱՆ
կարողա պարզ չի նախկին մարզպետի հավին ով պտի քշա աներ ու անի որ նրա կալոնկեքում խաբեություն չլնի Նույնն էլ մնացածների դեպքում
հօրն է քաշել, ճտերի առաջն առեք.