Այսօր թերթերից մեկը հրապարակել էր հոդված, որը տարածել էին գրեթե բոլոր կայքերը, որում Բելգիայում ՀՀ դեսպան Ավետ Ադոնցի մասին տեղեկություններին էին: Հոդվածում գրված էր, թե «Դեսպանի մերձավոր շրջապատից ճշտված տեղեկության համաձայն՝ Բելգիայի հատուկ ծառայություններից հարցում են ուղարկել Հայաստանի ԱԳՆ եւ ԱԱԾ՝ խնդրելով պարզել, թե ինչպե՞ս է հնարավոր պետական աշխատավարձով տարեկան մի քանի տասնյակ «Rolexs»-ներ եւ 30-50 հազար եվրոյանոց ադամանդյա քարեր գնել եւ անարգել տանել Հայաստան»։
Հայաստանի արտաքին գործոց նախարարությունից «Առավոտի» հարցմանն ի պատասխան ասացին, որ ԱԳՆ-ն նմանատիպ հարցում չի ստացել: Իսկ ԱԳ նախարարի մամուլի խոսնակ Տիգրան Բալայանն ասաց. «Տեղեկատվությունը սուտ է եւ չի համապատասխանում իրականությանը»:
Նույն պատասխանը տվեց ԱԱԾ մամուլի կենտրոնի պետ Ա. Բաղրամյանը. «Նման տեղեկություն չունեմ»:
Մելանյա ԲԱՐՍԵՂՅԱՆ
Կարդացեք նաև
