Երևանի քաղաքապետարանի աշխատակազմի շինբարեկարգման 2014 թվականի ծրագրի շրջանակում ապրիլի սկզբից մեկնարկել են մայթերի սալիկապատման աշխատանքները: Ընդհանուր առմամբ կբարեկարգվի շուրջ 32000 քմ տարածք, որից 26400 մետրը՝ նոր սալիկներով, իսկ 4500 քմ տարածքում կհանվեն և նորոգումից հետո կվերատեղադրվեն հին սալիկները: Նորերով կփոխարինվեն Հանրապետության հրապարակի ավելի քան 500 քմ մակերեսով բետոնե մեծ սալերը: Մայրաքաղաքի 13 հասցեներում սալիկապատման աշխատանքներն արդեն ավարտվել են, 5 հասցեներում դեռևս ընթանում են: Այս ուղղությամբ աշխատանքները վարչական շրջաններից ստացված հայտերի համաձայն կշարունակվեն նաև մայրաքաղաքի մի շարք այլ վայրերում:
Երևանի քաղաքապետարանի տեղեկատվության
և հասարակայնության հետ կապերի վարչություն
