ՀԱԿ խմբակցության քարտուղարի հայտարարություններին հետեւեց top-news.am կայքի ոչ պակաս կոշտ արձագանքը. Այս կայքի գործունեությունը, ինչպես հայտնի է, համակարգում է ԱԺ ԲՀԿ-ական պատգամավոր Վահե Հովհաննիսյանը. «Արամ Մանուկյանը, իրեն պահելով նորաթուխ սկաուտի կամ պիոների նման, ասել է, թե չեմ կարդացել, ցանկություն չունեմ կարդալու, շատ շուտվանից ինձ համար այդպիսի քաղաքական գործիչ գոյություն չունի։
Լավ է, որ նա հասցրել է ավելացնել, թե սա ոչ թե ՀԱԿ-ի, այլ իր կարծիքն է, բայց անմիջապես սկաուտաբար ավելացրել է, թե իր կարծիքով, ՀԱԿ-ում գերիշխում է այս տեսակետը։ Անկասկած, ՀԱԿ-ը լուրջ հետևություններ պետք է անի, որ ունի այսպիսի հին ու պրիմիտիվ անդամ, որը քաղաքականությունում լինելով ավելի քան 25 տարի, այդպես էլ չհասկացավ, թե ինչ է քաղաքականությունը, պետությունը եւ միջկուսակցական հարաբերությունները։ ՀԱԿ-ը պետք է այնքան խոհեմություն ունենա, որ Արամ Մանուկյանին հեռու պահի նմանատիպ քննարկումներից, քանի որ սա իր թեման չէ»։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
