ՀՀ Էներգետիկայի նախկին նախարար Արմեն Մովսիսյանը Tert.am-ը հետ զրույցում անդրադառնում է «Որոտան» ՀԷԿՀ–ի վաճառքի թեմայով ՀՀ երկրորդ Նախագահ Ռոբերտ Քոչարյանի հայտարարությանը, որն ասել էր, թե «Որոտան» ՀԷԿՀ–ի վաճառքը ծայրահեղ կասկածելի գործարք է։
– Պարո՛ն Մովսիսյան, պաշտոնաթող նախագահը նշում է, որ քանի դեռ ուշ չէ, հարկ է լրջորեն վերանայել համաձայնագիրը կամ ընդհանրապես հրաժարվել վաճառքից: Ձեր մեկնաբանությունը ո՞րն է այս հարցում:
– Այն կառավարությունը, որի անդամն եմ եղել ես, լրջորեն քննարկել է, և հաշվի առնելով կայանի տարիքը, սարքավորումների, հիդրոհանգույցների մաշվածությունը, արդիականացման անհրաժեշտությունն ու նրա դրա կարևորությունը Հայաստանի էներգետիկ անվտանգության մակարդակի պահպանման հարցում, գտել է, որ մասնավորեցման այս տարբերակն ունակ է լրջագույն խնդիրներ լուծել ինչպես էներգետիկ համակարգում, այնպես էլ պետական այլ առաջնահերթություններում: Եթե մենք սխալվել ենք այդ հարցում, ապա, անշուշտ, դեռևս ամենևին էլ ուշ չէ. ոչինչ անդառնալի չի արվել և նոր կառավարությունը ազատ է ցանկացած փոփոխություն իրականացնելու, անգամ կասեցնելու գործընթացը:
Հարցազրույցն ամբողջությամբ՝ սկզբնաղբյուր կայքում
Կարդացեք նաև
