Ոստիկանության կենտրոնականի բաժին էին տարվել ՀԱԿ անդամ Արեգ Գեւորգյանը, ակտիվիստներ Հայկ Զաքարյանը, Արսեն Մանուկյանը եւ եւս 20 հոգի, որոնց ինքնությունը պարզելու համար ակտիվիստները հավաքվել էին ոստիկանության շենքի դիմաց:
Ոստիկանությունը հորդորեց ակտիվիստներին 150 մետր հեռանալ, անգամ ակնարկվեց, թե խզբզում են կայանված մեքենաները, ոստիկանությունը շղթա կազմեց եւ քաշքշելով, հրմշտելով հեռացվեցին շենքի դիմացից՝ 150 մետրից էլ ավելի:
Այս պահին ակտիվիստները շենքից հեռացել են, իսկ ակտիվիստները վանկարկում են՝ ազատություն: Ակտիվիստների շարքերը քիչ- քիչ շատանում են:
Ժամը 15.45-ին մոտեցավ փաստաբան Ավագ Լալայանը եւ Մարդու իրավունքների պաշտպանի գրասենյակից ներկայացուցիչ: Փաստաբանի մեքենան ոստիկանության շղթայի դիմաց է, բանակցություններ են վարվում ներս մտնելու եւ իրավաբանական օգնություն ցույց տալու համար:
Մանրամասները՝ տեսանյութում:
Ռուզան ՄԻՆԱՍՅԱՆ
