Հունիսի 20-ին տեղի ունեցավ ՀՀ նախագահի գործընկեր կազմակերպության` Հայաստանի երիտասարդական հիմնադրամի կողմից հայտարարված դրամաշնորհային ծրագրերի մրցութային հանձնաժողովի նիստը, որի ընթացքում բացվեցին 2014թ. 2-րդ կիսամյակի համար հայտարարված դրամաշնորհային մրցույթին հասարակական կազմակերպությունների ներկայացրած հայտերը։ ՀՀ նախագահի աշխատակազմի կողմից հատկացվող դրամաշնորհային մրցույթին 21 անվանակարգում ներկայացվել է 42 հայտ։
Նշենք, որ այս մրցույթում ավելացել են բնապահպանության ոլորտին առնչվող անվանակարգեր։ Նվազեցվել է ծխելու դեմ պայքարին ուղղված անվանակարգերի համար հատկացվող գումարի չափը՝ 5 միլիոն դրամից դառնալով մինչև 2,5 միլիոն դրամ։ Հատկացվող գումարի առավելագույն չափը սահմանվել է Ցեղասպանության հարյուրերորդ տարելիցին ուղղված անվանակարգերում՝ 3 միլիոն դրամ։
Մրցույթի արդյունքները պարզ կդառնան հանձնաժողովի անդամների կողմից հայտերն ուսումնասիրելուց հետո։
Նշենք, որ մրցութային հանձնաժողովում ընդգրկված են ՀՀ նախագահի աշխատակազմի, Հայաստանի երիտասարդական հիմնադրամի, ոլորտային գերատեսչությունների, հասարակական սեկտորի ներկայացուցիչներ։
Կարդացեք նաև
Հայաստանի երիտասարդական հիմնադրամի
հասարակայնության հետ կապերի ծառայություն
