«Քաղաքացիական հասարակությունը պետք է ուժեղացնել, որ ներքին ճնշումը պետության վրա շատ ավելի մեծ լինի, քան` արտաքին: Այս հարցին ուրիշ լուծում չկա»,-Aravot.am-ի հետ զրույցում ասաց Ինֆորմացիոն տեխնոլոգիաների ձեռնարկությունների միության գործադիր տնօրեն Կարեն Վարդանյանը, որի կարծիքով «Կուտակային կենսաթոշակների մասին» փոփոխված օրենքը «Դեմ եմ» քաղաքացիական նախաձեռնության պահանջով որոշ զիջումների գնացել է, սակայն դա բավարար չէ:
Կարեն Վարդանյանի խոսքերով. «Միջազգային կազմակերպությունները, օգտվելով պետության թուլությունից, մեզ ստիպում են այդ փոփոխություններն անել: Ըստ էության, վարկային ռեսուրսի դիմաց, ստիպում են, որ մենք փողը հանեք դուրս, նույնը էլեկտրաէներգիայի սակագնի դեպքում, օգտվելով պետության թուլությունից ստիպում են էլեկտրաէներգիայի սակագինը բարձրացնել»:
Պարոն Վարդանյանը գտնում է, որ քաղաքացիներն իրենց ուզածին հասնելու համար, կառավարության նկատմամբ, ճնշումները պետք է ավելացնեն. «Որպեսզի կառավարությունը ավելի շուտ գնա քաղաքացիական հասարակության հետ համագործակցման քան` դրսի: Հիմա քաղաքացիական հասարակություն չկա, կառավարությունն ավելի հեշտ գնում է դրսի հետ համագործակցման, չի կարողանում դիմադրել դրսի ճնշմանը` տարբեր պատճառներով»:
Կարդացեք նաև
Լուսինե ԲՈՒԴԱՂՅԱՆ
