Այսօր կառավարության մոտ եկած բռնադատվածները իրենց վրդովվմունքն ու վիրավորանքն էին հայտնում առ այն, որ թեև մի քանի օր առաջ հունիսի 14-ը կառավարությունը հռչակել է բռնադատվածների հիշատակի օր, սակայն անտերության է մատնել նրանց: «Անգամ մի ծաղկեպսակ չբերեց դնի Սերժ Սարգսյանը Հաղթանակ զբոսայգում, մինչդեռ այդ հուշարձանն ինքն է դրել»,- ասացին նրանք:
Հայաստանից բռնի ուժով Սիբիր աքսորվածները նշեցին, որ այսօր եկել են կառավարության, նորանշանակ վարչապետի գութը հայցեն:
«Բռնադատվածներն ենք և ժառանգներն ենք, սակայն կառավարությունը արհամարհում է. մի՞թե նրանց ղեկավար կազմում չկան բռնադատվածներ կամ անմեղ զոհեր»,- ասաց կանանցից մեկը՝ հավելելով, որ իրենք լքված են պետության կողմից:
Բռնադատված բողոքողներից շատերը դեմ արտահայտվեցին Երևանում Միկոյանի արձանի տեղադրմանը, քանի որ նրանցից շատերը հենց նրա ստորագրությամբ են աքսորվել Սիբիր:
Կարդացեք նաև
Նյութի մանրամասները կարդացեք 1in.am-ի կայքում
