«Եթե խոսում են ականջալուր լինելու մասին, բայց լուրջ չեն վերաբերվում մեր 12 կետերին՝ դրա համար էլ վիճակն այսպիսին է»,- այսօր խորհրդարանում, լրագրողների հետ զրույցում կառավարության՝ Ազգային ժողովի հանդեպ վերաբերմունքի մասին ասաց ԱԺ ՀՅԴ խմբակցության ղեկավար Արմեն Ռուստամյանը:
Նա ասաց, որ ինչպես որոշել են սեպտեմբերի վերջին անցկացնել հանրահավաք, այդպես էլ անելու են, առաջ չեն բերելու հանրահավաքի ժամանակը: Իսկ «պահանջում ենք» բառը քառյակի 12 կետերի մեջ ընդգրկելը, ինչը դուր չէր եկել Սերժ Սարգսյանին, Արմեն Ռուստամյանը բացատրում է նրանով, որ բոլոր հնարավոր ժամկետներն անցել են՝ «բանը բանից անցել է». «Դրանք պահանջներ են, որոնք հասարակությունն է ներկայացնում եւ դրանք անընդհատ անտեսվում են: Նույնը՝ կուտակայինի հետ կապված, խոստացան, որ հանրության, հասարակության, քաղաքական ուժերի հետ քննարկումներ են արվելու: Բայց եթե միայն ձեւ է տրվում, դա համագործակցություն չի, պատրանք ստեղծել է; Մեր ոչ մի առաջարկություն չի քննարկվել, չի ընդունվել: Միասին անելը՝ նշանակում է մեր առաջարկները լսել»:
Անդրադառնալով երեկվա հարցազրույցի ժամանակ Սերժ Սարգսյանի ասած այն մտքին, որ Լեռնային Ղարաբաղը անկախ պետություն է, Արմեն Ռուստամյանը ասաց. «Երբ դրսում ինչ-որ բան են ստորագրում Լեռնային Ղարաբաղի փոխարեն՝ չեն հիշում, որ անկախ պետություն է, երբ իրենց պետք է՝ հիշում են, որ անկախ է»:
Մանրամասները՝ տեսանյութում
Կարդացեք նաև
Մելանյա ԲԱՐՍԵՂՅԱՆ
