Երբ երկու տարի առաջ պայթեցվեց մայրաքաղաքի խորհրդանիշերից մեկի` կրկեսի շենքը, շատերը դա ցավով ընդունեցին: Այն ժամանակ կրկեսի ղեկավարները, ինչպես նաեւ շինարարները խոստացան նախկին կրկեսը ինչ-որ կերպ հիշեցնող, բայց ժամանակակից տեխնիկայով զինված, ինչպես նաեւ շատ ավելի մեծ մակերեսով ավելի գեղեցիկ շենք կառուցել:
Սակայն կարծես թե շենքի կառուցման ավարտը չի երեւում։ Պատճառը՝ «Երեւանյան կրկես» մշակութային կենտրոնի գեղարվեստական ղեկավար ՍՈՍ ՊԵՏՐՈՍՅԱՆԻ հարցազրույցում:
-Ի՞նչ վիճակում են շինարարական աշխատանքները:
-Արդեն երկրորդ հարկն ենք կառուցում: Իսկ աշխատանքները ձգձգվեցին, որովհետեւ շենքի տակը ջուր, կարելի է ասել` լիճ էր, ու ջրահեռացման աշխատանքները մոտ վեց ամիս տեւեցին: Շնորհակալություն «Տաշիր գրուպ» ընկերությանը, որը ստանձնեց այդ դժվարին գործը, որպեսզի երկիրն ունենա ժամանակակից պայմաններին համապատասխանող կրկես:
Կարդացեք նաև
Իսկ պետությունը չէր կարողանում կրկեսին տեր կանգնել, այն նույնիսկ Լինսի հիմնադրամի ծրագրում չընդգրկվեց. երեւի կրկեսին թարս էին նայում: Եվ նախկին շենքում ձմռանը դրսից ցուրտ էր, ամռանը` դրսից շոգ, բայց նույնիսկ մեկ օր կրկեսը չի դադարել աշխատել:
Բարի նախանձով եմ նայում, որ սպորտին, հատկապես օլիմպիական մարզաձեւերին, ֆուտբոլին այդքան ուշադրություն են դարձնում, բայց կրկեսի համար, ստեղծագործական տեսակետից, զրո լումա չի ներդրվել:
Ռուսլան ԹԱԹՈՅԱՆ
Հարցազրույցն ամբողջությամբ՝ «Հայոց աշխարհ» թերթի այսօրվա համարում
