«Չէինք սպասում, որ այսքան դրական փոփոխություններ կարելի է անել։ 7 տարի է՝ պայքարում էինք եռապատիկը, հնգապատիկը վերացնելու համար։ Դուրս եկավ, որ կամք ունենալու դեպքում մեկ ամսում կարելի է անել»,- ասաց «Աքիլես» ավտովարորդների իրավունքների պաշտպանության կենտրոնի նախագահ Էդուարդ Հովհաննիսյանը՝ խոսելով ՀՀ վարչական իրավախախտումների օրենսգրքում փոփոխություն կատարելու նախագծի մասին, որով փոփոխություններ են արվելու երթեւեկության կանոնների խախտումների համար սահմանված տուգանքներում։
Վարորդներին հատկապես ուրախացրել է սահմանված ժամկետում տուգանքը չվճարելու համար նախատեսված պատժամիջոցի փոփոխությունը։ Գործող կարգի համաձայն, տուգանքի վճարումը 30 օրում չկատարելու դեպքում եռապատկվում է, իսկ 60 օր հետո՝ հնգապատկվում։ Առաջարկվող նախագծով եռապատկման փոխարեն տուգանքը պետք է ավելանա 25 տոկոսով, իսկ հնգապատկման փոխարեն՝ 50 տոկոսով։
Փոխարենը որոշ խախտումների համար խստացումներ են նախատեսված։ «Ովքեր կգերազանցեն թույլատրելի արագությունը 51-80 կմ/ժ-ով, կկիրառվի 200 հազարի չափով տուգանք, իսկ 81 կմ/ժ-ով եւ ավելի գերազանցելու դեպքում՝ 500 հազար դրամի չափով»,-ասաց արդարադատության փոխնախարար Արսեն Մկրտչյանը։
Աննա ՄԱԹԵՎՈՍՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
Կարդացեք նաև
