Երեւանում մի քանի ճապոնական ռեստորաններ կան, որտեղ, ինչպես սպասարկող անձնակազմն է վստահեցնում, իսկական ճապոնական թարմ ուտեստներ են:
Ի՞նչ կարծիք ունի ազգությամբ ճապոնացին Հայաստանի ճապոնական ռեստորանների խոհանոցների մասին, արդյոք հայերը համարժե՞ք են վճարում ճապոնական ուտեստների, սուշիի համար եւ արդյոք համապատասխանում է խոհանոցը իրական ճապոնականին. Aravot.am-ը հետաքրքրվեց այս օրերին Հայաստանում գտնվող «Հայ-ճապոնական ասոցիացիայի» գործադիր տնօրեն Չունիշի Նակազավայից, որը դեռեւս Հայաստանում ճապոնական ռեստորան չի այցելել, սակայն Մոսկվայի օրինակը բերեց: «Ես Մոսկվայում մի քանի ճապոնական ռեստորաններ եմ այցելել, իհարկե նրանք առավելագույնս ջանքեր են ներդնում, բայց…տարբերվում են խոհանոցները. Ճապոնիայում շատ թարմ է ու էժան, Մոսկվայում` էժան չէ, ոչ էլ թարմ են ձկնատեսակները:
Ես Մոսկվայում եմ մի քանի ճապոնական ռեստորաններ այցելել:Երեւանում դեռ չեմ համտեսել: Լավ է, որ ձեզ մոտ էլ կա ճապոնական խոհանոց»:
Պարոն Նակազավան նշեց, որ ճապոնական խոհանոցում մի քանի բաղադրիչներ կան` ծովամթերք, ձկնատեսակներ, որոնք շատ կարեւոր են ճապոնական խոհանոցի համ ստանալու համար, սակայն դրանք դժվար է ձեռք բերել, հեռավորությունը երկրների մեծ է, իսկ եթե այստեղ ձուկը թարմ է լինում, այն դժվար թե ճապոնական լինի:
Եթե Մոսկվայում, որը աշխարհի խոշորագույն ու թանկ մայրաքաղաքներից մեկն է, ու մշտապես զբոսաշրջիկներով լի, եւ այստեղ ճապոնական խոհանոցի մթերքները թարմ չեն լինում, ապա Երեւանում կարելի է ենթադրել, թե ինչ թարմության ծովամթերքներ կլիներ ճապոնական եւ չինական ռեստորաններում:
Մանրամասն` տեսանյութում
Նելլի ԲԱԲԱՅԱՆ
