«Արմենիա Մարիոթ» հյուրանոցում Եվրասիական միությանն անդամակցելու հետ կապված ինչ-որ սեմինարի ժամանակ, որի աշխատանքային լեզուն, ի դեպ, ռուսերենն էր, ՀՀ էկոնոմիկայի փոխնախարար Գառնիկ Բադալյանը դիմել է դրա դեմ բողոքող ակտիվիստներին, թե «գնացեք լեզվի մասին օրենքն ուրիշ տեղ պաշտպանեք»։
«ՉԻ» – Հայաստանի պետական լեզուն հայերենն է, եւ լեզվի մասին օրենքի համաձայն, արգելվում է Հայաստանում որեւէ օտար լեզվով նման միջոցառումներ կազմակերպել՝ առանց հայերեն սինխրոն թարգմանության։ Լեզվի մասին օրենքը գործում է ՀՀ ողջ տարածքում, «Արմենիա Մարիոթ» հյուրանոցն էլ, եթե չենք սխալվում, ՀՀ տարածքում է: Բայց էկոնոմիկայի փոխնախարարն, իհարկե, իրավացի է. ակտիվիստները պիտի լեզվի մասին օրենքը պաշտպանեն ոչ թե այնտեղ, որտեղ այդ օրենքը խախտվում է, այլ այնտեղ, որտեղ դա ավելի անշառ է։ Օրինակ՝ թող գնան Հանքավանի անտառները եւ ինչքան ուզում են՝ պաշտպանեն լեզվի մասին օրենքը։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
