Լենինգրադյան փողոցը Ծովակալ Իսակովի պողոտային միացնող ընդամենը մի քանի օր շահագործվող նոր ավտոճանապարհն արդեն հասցրել է արժանանալ ոչ միայն ավտովարորդների, այլև մայրաքաղաքի ողջ բնակչության, նաև հյուրերի բարձր գնահատականին: Նոր ճանապարհով երթևեկող վարորդներին հատկապես գոհացնում է հանգամանքը, որ քաղաքի մի հատվածից մյուսը գնալու համար այլևս ստիպված չեն լինի անցնել մայրաքաղաքի երթևեկությամբ առանց այդ էլ ծանրաբեռնված կենտրոնով. «Հիմա հարմար է բոլոր առումներով. և՛ ժամանակն ենք խնայում, և՛ նյարդերը, բացի այդ՝ վառելիքը, ինչը ոչ պակաս կարևոր է»,- գոհունակությամբ նշում են վարորդները՝ հավելելով, որ բարձր որակով կառուցված ճանապարհով երթևեկելն անվտանգ է ինչպես ցերեկային, այնպես էլ գիշերային ժամերին:
Երևանի քաղաքապետարանի տեղեկատվության
և հասարակայնության հետ կապերի վարչություն
