«Մանանա Գրեյն» ՍՊ ընկերությանը փոխտնօրեն Արմեն Մանուկյանի մեքենայից, որը կայանված է եղել Արշակունյաց պողոտայի վրա գտնվող «Սեմ» ռեստորանային համալիրի մոտ, կատարված 56 միլիոն դրամի գողության գործով դատական քննությունն ավարտվեց:
Դատավոր Մեսրոպ Մակյանը HSBC աշխատակից, ամբաստանյալ Աշոտ Առուշանյանին օժանդակության հոդվածով դատապարտեց 5 տարի 6 ամսվա ազատազրկման՝ առանց գույքի բռնագրավման:
Գողության համար Էդգար Կարաքեշիշյանը դատապարտվեց 7 տարվա ազատազրկման: Ինչ վերաբերում էր, Էդգար Կարեշիշյանի կողմից «Մանանա-Գրեյն» ՍՊԸ-ի կնիքներն ու փաստաթղթերը ոչնչացնելու մեղադրանքին, ըստ այդմ ենթադրյալ քրեական պատասխանատվությանը, Է.Կարաքեշիշյանն ազատվեց՝ վաղեմության ժամկետն անցնելու հիմքով:
Դատարանը բավարարեց քաղհայցը. ամբաստանյալներից համապարտության կարգով հօգուտ «Մանանա-Գրեյն» ՍՊԸ-ի պետք է բռնագանձվի 55 մլն. 500 հազար ՀՀ դրամ՝ որպես հանցագործությամբ ընկերությանը պատճառված վնասի հատուցում:
Աշոտ Առուշանյանի պաշտպան, ՀՀ փաստաբանների պալատի անդամ Լիպարիտ Սիմոնյանն այսօր Aravot.am-ին ասաց, որ դատավճիռը բողոքարկելու է ամբողջությամբ:
Կարդացեք նաև
Ռ.Մ.
