Լոռու մարզի ընդհանուր իրավասության առաջին ատյանի դատարանում, դատավոր Նարինե Հովակիմյանի նախագահությամբ, ընթանում է ամուսիններին ծեծելու մեջ մեղադրվող Հովհաննես Պ.-ի դատաքննությունը:
Համաձայն մեղադրական եզրակացության` Հովհաննես Պ.-ին մեղադրանք է առաջադրվել այն բանի համար, որ նա նախորդ տարվա հոկտեմբերի 18-ին, ժամը 19-ի սահմաններում կենցաղային հարցի շուրջ վիճաբանել է ամուսիններ Արման Մ.-ի և Անահիտ Ա.-ի հետ, մարմնական վնասվածքներ պատճառելու դիտավորությամբ գլխով և ձեռքերով հարվածներ է հասցրել վերջիններիս մարմինների տարբեր մասերին` Արման Մ.-ին պատճառելով առողջության տևական քայքայմամբ միջին ծանրության, իսկ Անահիտ Ա.-ին առողջության թեթև վնասի հատկանիշներ չպարունակող մարմնական վնասվածքներ:
Հովհաննես Պ.-ն նախկինում դատված չի եղել:
Խափանման միջոց է ընտրվել ստորագրություն չհեռանալու մասին:
Անուշ ԲՈՒԼՂԱԴԱՐՅԱՆ
