Հատված «Հայ ազգային կոնգրես» խորհրդարանական խմբակցության քարտուղար Արում Մանուկյանի հարցազրույցից:
– Ինչո՞ւ 12 կետերի մեջ ներառված չեն գազի եւ էլեկտրաէներգիայի սակագնի հետ կապված մտահոգությունները եւ դրանցից բխող պահանջները։
– Մենք գազի եւ էլեկտրաէներգիայի խնդիրների վերաբերյալ պետք է առանձին ելույթ ունենանք։ Անդրադառնալով էլեկտրաէներգիայի սակագնի թանկացմանը՝ նշեմ, որ քառյակն ունի հատուկ դիրքորոշում, որը շուտով կհրապարակվի։ Այդ կետերի վերաբերյալ ունենք առանձին ուշադրություն հրավիրելու պայմանավորվածություն, առաջիկայում կլսեք էլեկտրական հոսանքի թանկացման վերաբերյալ քառյակի վերաբերմունքը։
Այս հարցերում լինելու ենք ավելի ագրեսիվ ու պահանջատեր, ավելին՝ տեղեկացնեմ, որ քառյակով փորձելու ենք արգելակել այդ գործընթացը։ Փորձելու ենք թույլ չտալ հոսանքի թանկացումը։
Ինչ վերաբերում է գազի գնին, ապա ԱԺ համապատասխան հանձնաժողովը շուտով կվերջացնի ուսումնասիրությունը: Խնդիրը լինելու է այն, որ փորձելու ենք ճնշում գործադրելով՝ գազի գինն իջեցնել։ Դժվար խնդիր է, սակայն կփորձենք լինել ավելի կոշտ եւ ավելի միասնական։ Եթե այդ խնդիրները կետերում չեն նշվել, դեռ չի նշանակում, որ դրանք ավելի կարեւոր չեն, քան նշվածները։
Լիլիթ ԼԱԼԱՅԱՆ
Հարցազրույցն ամբողջությամբ կարող եք կարդալ «Չորրորդ իշխանություն» թերթի այսօրվա համարում
