«Freedom House» իրավապաշտպան կազմակերպությունը հրապարակել է «Պետություններ անցումային շրջանում» զեկույցը, որտեղ ներկայացվում է անցյալ տարվա ընթացքում Կենտրոնական և Արևմտյան Եվրոպայի և Եվրասիայի պետությունների ժողովրդավարության ոլորտներում տեղի ունեցած զարգացումները:
Զեկույցի հրապարակումն ուղեկցող մամուլի հաղորդագրությունում իրավապաշտպան կազմակերպությունը մասնավորապես նշել է, որ զեկույցը ցույց է տալիս, թե ինչպես է Ռուսաստանը ծառայում որպես ամբողջ Եվրասիայում անկախ ինստիտուտների նահանջի քաղաքականության համար «ոգեշնչող» օրինակ, ինչի հետևանքով անցյալ տարվա ընթացքում ամբողջ տարածաշրջանում գրանցվել են ճնշումների նոր և մտահոգիչ մակարդակներ:
«2013 թվականի իրադարձությունները ցույց են տալիս, որ Ռուսաստանի վարչակարգը օրինակ է ծառայում ավտորիտար այլ առաջնորդների համար նույնիսկ այն պետություններում, որոնց իշխանությունները ինստիտուցիոնալ մակարդակի հասցված դաժանություններով ու անհանդուրժողականությամբ գերազանցել են Ռուսաստանին», – ասում է «Պետություններ անցումային շրջանում» զեկույցի ծրագրի ղեկավար Սիլվանա Հաբդանկ-Կոլաչկովսկան՝ մատնանշելով, որ տասը տարի առաջ «համախմբված ավտորիտար վարչակարգ» ունեցող պետություններում ապրում էր Եվրասիայի բնակիչների հինգից մեկը, իսկ այժմ՝ հինգից չորսը:
Արմեն Հովհաննիսյան
Նյութի մանրամասները կարդացեք «Ամերիկայի Ձայն»-ի կայքում
