Հունիսի 12-ին՝ ՀՀ ԳԱԱ-ի նիստում Վիգեն Թոփուզյանը միաձայն վերընտրվեց ՀՀ ԳԱԱ օրգանական և դեղագործական քիմիայի և գիտատեխնոլոգիական կենտրոնի տնօրենի պաշտոնում:
Վիգեն Թոփուզյանը երկար ճանապարհ է անցել՝ ՀՀ ԳԱԱ Մնջոյանի անվան Նուրբ օրգանական քիմիայի ինստիտուտում ավագ լաբորանտից մինչեւ ՀՀ ԳԱԱ օրգանական և դեղագործական քիմիայի և գիտատեխնոլոգիական կենտրոնի տնօրեն։ Այս պաշտոնը նա ստանձնել է 2007 թվականին։ Նրա գիտական հետաքրքրությունների շրջանակն ընդգրկում է Ֆիզիոլոգիապես ակտիվ միացությունների քիմիան, ամինաթթուների ու պեպտիդների քիմիան։ Վիգեն Թոփուզյանը ՀՀ ԳԱԱ ՕԴՔԳՏԿ Գիտական խորհրդի նախագահն է, «Օրգանական Քիմիա» 010 խորհրդի նախագահը, «ՖԱՐՄԱ» ամսագրի խմբագրական կոլեգիայի անդամ է: Նա ղեկավարել է գիտությունների յոթ թեկնածուի, քսան մագիստրոսի, մեկ ասպիրանտի գիտական աշխատանքներ: Վիգեն Թոփուզյանը հեղինակել է 134 գիտական հոդված և հեղինակային վկայագիր, 2 ուսումնական ձեռնարկ: 2013 թ-ին պարգեւատրվել է ՀՀ ԳԱԱ Վաստակագրով։
ՀՀ ԳԱԱ տեղեկատվական-վերլուծական կենտրոն
