Այսօր Շանթ Հարությունյանի գործով դատական նիստի ընթացքում դատարանի բակում ոստիկաններին գազային ատրճանակով կրակած երիտասարդին Շանթ Հարությունյանի մտերիմներն ու ընկերները չեն ճանաչում:
Դեպքին ականատես իրավապաշտպան Ավետիք Իշխանյանը Aravot.am-ին պատմեց, որ մինչեւ կրակելը երիտասարդը` Հայկ Կյուրեղյանը, կանգնել է մեքենայի վրա ու սկսել հայհոյել, հետո նոր հայտարարել, որ ռումբ է դրված իր մոտ. «Ուժի կիրառմամբ նրան ձերբակալեցին, հետո հարցրի ներկաներին, քաղբանտարկյալների կողմնակիցներին, որեւէ մեկը այդ տղային չէր ճանաչում: Նրա արարքները հաշվի առնելով՝ չեմ կարող պնդել, որ ոստիկանների ուժի կիրառումը համաչափ չէր, չեմ կարող բացառել, որ նա սադրիչ էր»:
«Ազատություն քաղբանտարկյալներին» նախաձեռնության անդամ Վրեժ Զատիկյանը մեզ հետ զրույցում նույնպես պնդեց, որ ինքը ու Շանթի ընկերներից, համախոհներից, հարազատներից ոչ ոք այդ երիտասարդին չի ճանաչում. «Ես նրան չեմ ճանաչում: Առաջին անգամ նրան հունվար-փետրվարին եմ տեսել՝ ակցիաների ժամանակ, ու կասկածել եմ՝ սադրիչ է: Շանթի ընկերները ճանաչում են այդ երիտասարդին այնքանով, որքանով ես՝ շատ քիչ, նրանք էլ են նրան ակցիաների ժամանակ տեսել: Ոնց է լինում, որ կասկածում ես ոստիկանությունից է, ոչ ոքի մեզնից չի ճանաչում, համենայնդեպս, մերոնքական չէ: Կարող է նրա այսօրվա արածը լինի շոու կամ հոգեկան ինչ-որ արարք»:
Արփինե ՍԻՄՈՆՅԱՆ
Ճանաչում եմ Հայկին։ Լիովին ադեկվատ տղա է։ Ուզում է շարժել էս մասային, որ ոչ մի կերպ չի ուզում մի քիչ վիզ դնի։
Այս երիտասարդը՝ մաքուր ազնիվ մարդ է։ Ամոթ, հազար ամոթ,՝ խանի ստրուկներին ոստիկանի շորերով, որոնք՝ ընտրություններ կոչվող խայտառակության ժամանակ որպես թաղի խուժան են հանդես գալիս, ցույցերի՝ որպես վամպիրներ, պայույակ մտնող գողեր, սեքսուալ մանյակներ։