Վերնիսաժի մոտ տեղի ունեցած կրակոցների գործով մեղադրյալ Ներսես Մելքոնյանի փաստաբան Արմեն Խաչատրյանը պնդում է, թե քրեական գործում կան որոշակի ապացույցներ, որ Գոռ Առաքելյանի նկատմամբ քննման արձանագրություն չի կազմվել:
Այսօր «Բլից ինֆո» ակումբում փաստաբանը նաեւ ասաց, որ զննության արդյունքում է պարզվել, որ Գոռ Առաքելյանի մարմնի վրա կան վնասվածքներ՝ քերծվածքներ, ինչի մասին նա հաղորդում է ներկայացրել քննչական բաժին, ինչի հիման վրա նշանակվել է դատաբժշկական փորձաքննություն՝ պարզել մարմնական վնասվածքների ծանրության աստիճանը: Բայց, ըստ փաստաբանի, քննչական մարմինն առանց պարզելու եւ համապատասխան ապացույցներ ձեռք բերելու, որ մարմնական վնասվածքներն առաջացել են դեպքի ընթացքում, այդ արարքը վերագրել է Ներսես Մելքոնյանին. «Իսկ ո՞վ ասաց, որ այդ վնասվածքները դեպքից առաջ չեն եղել Գոռ Առաքելյանի մարմնի վրա: Որեւէ ապացույց կա՞, որ այդ վնասվածքները հասցրել է Ներսես Մելքոնյանը»:
Հիշեցնենք, որ Ներսես Մելքոնյանը օրեր առաջ դատարանի որոշմամբ ճանաչվեց մեղադրյալ՝ մեղադրվում է խմբակային խուլիգանություն կատարելու մեջ:
Հիշեցնենք, որ Գոռ Առաքելյանը ԱԺ ԲՀԿ-ական պատգամավոր Կարո Կարապետյանի փեսան է:
Մանրամասները շուտով
Կարդացեք նաև
Արփինե ՍԻՄՈՆՅԱՆ
