Ցյուրիխում 2009թ. ստորագրված հայ-թուրքական արձանագրությունները ԱՄՆ նախկին պետքարտուղար Հիլարի Քլինթոնի համար «մարտահրավեր էր», այդպես է նա բնութագրել «Բարդ ընտրություններ» վերնագրված իր հուշերի գրքում, որը հրապարակվել է հունիսի 10-ին: Փոխանցում է «Հուրիեթ» թերթը:
«Երեկոյան ես դուրս եկա հյուրանոցից ու գնում էի Ցյուրիխի համալսարան, որտեղ պետք է տեղի ունենար արարողությունը», – հիշում է Քլինթոնը, – Բայց խնդիր էր ծագել: Էդվարդ Նալբանդյանը՝ Հայաստանի նախարարը, համառում էր: Նրան անհանգստացնում էր ստորագրման արարողության համար Դավութօղլուի պատրաստած ելույթը ու հանկարծ հրաժարվեց դուրս գալ հյուրանոցից: Թվում էր՝ ամիսներով նրբորեն վարած բանակցությունները ի չիք են դառնում»:
Այնուհետև Քլինթոնը շարունակում է, որ ինքը Հայաստանի և Թուրքիայի իր գործընկերներին համոզեց, որպեսզի ստորագրեն արձանագրություններն առանց որևէ ելույթի:
Թեպետ երկրների խորհրդարաններն այդպես էլ չվավերացրին արձանագրությունները, սակայն, Քլինթոնը իր գրքում հույս է հայտնում, որ մի օր այս հարցում բեկում կլինի:
Կարդացեք նաև
Պատրաստեց Հովհաննես ԻՇԽԱՆՅԱՆԸ
