Խորհրդարանում, «հրաշալի քառյակի»`ՀԱԿ, ԲՀԿ, ՀՅԴ եւ «Ժառանգություն», 12 կետերի հրապարակումից հետո, ՀԱԿ խմբակցության ղեկավար Լևոն Զուրաբյանը նկատեց, որ առկա պայմաններում անհրաժեշտ էր գործել միասնական գաղափարի շրջանակում և ժողովրդին էլ դարձնել այդ գործընթացի մասնակից ու գլխավոր երաշխավոր:
«Կառավարությունը հրաժարական տվեց, ինչը նշանակեց, որ քառյակը հասավ իր նպատակին, բայց սպառեց իր միասնական օրակարգը: Սույն համաձայնագիրը հենց այդ նպատակն է հետապնդում`նոր օրակարգի ձեւավորում: Կոնգրեսի անունից կարող եմ ասել, որ մենք շարունակում ենք կարծել ու համոզված ենք, որ երկրի գլխավոր չարիքն այսօր Սերժ Սարգսյանն է և առաջին լուծումը նրա հեռացումն է, երկրում հաշվետու իշխանություն ձևավորելու մեջ է: Բայց մենք հասկանում ենք, որ պետք է ձևավորել միասնական համակարգ, և սա դիտարկում ենք առաջին փուլ, իսկ վերջնական նպատակը հենց այն է, ինչ ես ասացի»,- ասաց Լեւոն Զուրաբյանը`շնորհավորելով ժողովրդին` այս համաձայնագրի ստորագրության կապակցությամբ:
ՀՅԴ խմբակցության ղեկավար Արմեն Ռուստամյանն էլ հավելեց, որ սա նոր մշակույթ է քաղաքական դաշտում:
Այլ մանրամասները`տեսանյութում
Կարդացեք նաև
Նելլի ԳՐԻԳՈՐՅԱՆ
