«Չարժի էպիտետներով պատասխանել առաջին նախագահին` ոտքերով կապել, կամ ձեռքերով կապել: Դա պատիվ չի բերում մեր քաղաքական կյանքին: Դա տեսակետ է, որ ասել է առաջին նախագահը և որը մեզ ընդհանրապես ընդունելի չէ, բայց որ ինքն է ասել չենք ուզում այդպես հախուռն, կոշտ խոսքերով հակադարձել»,- լրագրողների հետ ճեպազրույցում ասաց ԱԺ նախագահ Գալուստ Սահակյանը` պատասխանելով հարցին` կիսո՞ւմ է Լևոն Տեր-Պետրոսյանի արտահայտած այն կարծիքը, թե Սահմանադրական բարեփոխումները ԲՀԿ-ի ձեռքերը կապելու համար են նախաձեռնվել:
«Պարզապես ժամանակներն անցնում են, մարդիկ մտածում են, որ ամեն ինչ մոռացվել է և որևէ տեղ արձանագրված չէ և մարդիկ չկան, որ կարողանան այդ տեսակետներին հակադարձել հենց այն լեզվով, ինչ լեզվով փորձում է հակադարձել ՀՀ առաջին նախագահը»,- ասաց Գալուստ Սահակյանը`հակադարձելով լրագրողներից մեկի հարցին, որ Լեւոն Տեր-Պետրոսյանը քննադատել էր Սերժ Սարգսյանին եւ նրա ղեկավարած իշխանությանը:
Նելլի ԳՐԻԳՈՐՅԱՆ
Գալուստի անհասկանալի ու անվերծանելի կմկմոցներն, ընդանենը, քմծիծաղի են արժանի..