Բնապահպան Կարինե Դանիելյանը չի կարողանում հասկանալ՝ ինչպես են աճուրդի հանում մարզահամերգային համալիրը, եթե այն պատմամշակութային արժեք է:
«Բայց պայմանագրում կառույցի պահպանման համապատասխան կետերը չնշե՞լ, որ սեփականատերն ինչ ուզենա իրականացնի: Ուղղակի անթույլատրելի է, եթե պայմանագրում չեն դրվում այն պայմանները, թե ինչպես ու որպես ինչ է շարունակելու աշխատել»,- ասաց բնապահպանը:
Նրա տպավորությամբ, Երեւանը վերջին տարիներին նպատակաուղղված տանում են պատմական հիշողությունը կորցնելու ճանապարհով. «Ինչ հնարավոր է քանդել ենք: Պետության դերը բա ո՞րն է, հերթով կորցրինք մեր պատմամշակութային արժեքները»:
Նա կիսում է ճարտարապետների մտահոգությունը, թե համալիրի նոր սեփականատիրոջն ավելի շահավետ կլինի քանդել այն ու օգտագործել որպես հանք, ինչպես վարվեցին երիտասարդական պալատի հետ. «Արդեն ասվում է դրա մասին, փորձը ցույց է տալիս, որ մինչեւ հիմա կնքվող պայմանագրերը սահմանափակող հոդվածներ չեն ունեցել, ու մարդիկ ազատ են, ինչ թելադրում է իրենց շահը, այն էլ անում են»:
Կարդացեք նաև
Արփինե ՍԻՄՈՆՅԱՆ
